Nuk ka dyshim se Ivanka Trump është në gjendje të manovrojë shumë dhe me sa duket me pak përpjekje: një punë si zv/presidente në kompaninë e babait të saj, linjën e vetë të modës, një martesë, tre fëmijë, ushtrimet të rregullta dhe madje edhe fotografi për revistën.
Por ndërsa 34-vjeçarja pozoi për numrin e shtatorit të “Harper’s Bazaar”, ajo zbuloi se së shpejti mund të jetë duke shtuar edhe një tjetër pozicion në jetën e saj: një angazhim në Shtëpinë e Bardhë të të atit.
Duke folur për revistën, ajo tha se patjetër që do të ketë një rol nëse Donald Trump do të bëhet President dhe kjo ndoshta do të përfshijë mbështetjen për çështjet e grave.
“Ka një çështje për të cilën jam shumë e pasionuar . dukshëm, jam një avokate e madhe për femrat dhe çështjet e tyre, si kujdesi i fëmijëve. Kostoja e kujdesit për fëmijë është tepër e lartë. Në gjysmën e vendit, kostoja e kujdesit për fëmijët e tejkalon koston e strehimit. Ky është shpenzim i madh për familjet. Kjo nuk zë vend dhe nuk është e përshtatshme”, shprehet Ivanka Trump.
Interesante duket fakti se, nëna e tre fëmijëve ka adoptuar të njëjtën çështje thelbësore që kundërshtarja e babait të saj, Hillary Clinton, ka mbështetur për dekada të tëra.
Clinton ka folur për kujdesin e përballueshëm ndaj fëmijëve që kur bashkëshorti i saj ishte President dhe në maj apo zbuloi një plan ambicioz, për ulur kostot e kujdesit të fëmijëve me 10% të të ardhurave të një familjeje.
Dhe me sa duket, me kërkesë Ivanka-s, Trump ka vendosur se është një çështje për të cilën ia vlen të luftohet: Fushata do të shpallë një plan për ta zbritur taksën e kujdesit të fëmijëve.
Ivanka ende nuk ka një titull zyre deri më tani, po ashtu as vëllezërit e saj Donald Jr., 38 vjeç ose Eric, 32 vjeç. Ata japin në mënyrë vullnetare opinionin e tyre, ndërsa ajo thotë se roli i saj tani është “thjesht e vajzës”.
Ajo shfaqet e veshur me një fustan nga Carolina Herrera, e cila kushton 5674 paund, ndërsa ndodhet duke ngjitur shkallët, të cilat simbolizojnë ngjitjen në karrierën e saj.
*Shfleto galerinë
Burimi: Daily Mail/ Harper’s Bazaar
