Në datën 12 mars, në orën 5 të mëngjesit dy figurat e njohur të ekranit shqiptar, Ermal Mamaqi dhe Amarda Toska u bënë prindër të një vajze bukuroshe që ka rrëmbyer vëmendjen e të gjithëve.
Jo vetëm kaq, por që në ditën e parë të lindjes vajza e Amit dhe Ermalit ka thyer edhe rekordin e pëlqimeve dhe komenteve, që deri në atë ditë e mbante fotoja e Xhensilës dhe Besit në ditë e tyre të dasmës.
Moderatori i njohur e postoi foton në orët e para të mëngjesit duke iu dhënë të gjithë lajmin e bukur që u bë baba për herë të dytë.
“Zoti na bekoi përsëri, kësaj radhe me vajzë”, shkruante Ermali në përshkrimin e fotos së parë të vogëlushes.
Menjëherë pas kësaj kanë qenë me qindra pëlqimet dhe komentet e fansave, të cilët i uronin mirëseardhjen e vajzës. Aktualisht kjo foto numëron 166 mijë pëlqime. Ndërkohë fotoja e Besit dhe Xhensilës, sot numëron rreth 134 mijë pëlqime që ka rreth 6 muaj që është publikuar në “Instagram”.
