Ajo ishte fytyra më e re e javës së modes në Milano. Vajza e aktores Rene Russo, Riley Gilroy, është duke përparuar shpejt në botën e modelimit.
24-vjeçarja sfiloi në Milano për koleksionin e ri të “Dolce & Gabbana”.
Fytyra e saj e freskët, e cila ngjason në masë të madhe me nënën e saj, shkëlqente me kurorën mbi kokë dhe kostumin shumëngjyrësh që kishte dizajnuar stilisti, me këmishën e bardhë dhe papjonin e zi.
Modelja u zbulua nga agjenti i saj i tanishëm, ndërsa ishte duke ngrënë drekë në Los Angeles me nënën e saj. Ajo kujdeset për nënën e cila tashmë është 63 vjeç dhe ende duket e pabesueshme.
“Unë stërvitem pesë ditë në javë për 20 minuta; Bëj çdo ditë stërvitje të ndryshme për çdo pjesë të trupit”, tha aktorja për People.
Edhe pse Rene russo u bë e njohur për imazhin e saj seksi në vitet ’90, ajo nuk ndjen presion për të mbajtur këtë fasadë për të kënaqur industrinë e Hollivudit.
Riley është vajza e saj e madhe me burrin e saj skenarist, Dan Gilroy.
*Shfleto galerinë
