“Kujdes nga Era Istrefi. Ajo mund t’ju përtypë si një kanibale nëse ngatërroheni me të”. Lajmi për publikimin e këngës më të re nga këngëtarja me origjinë nga Kosova kaloi kufijtë. Prestigjiozja “V Magazine” i kushtoi një artikull këngës së saj të re, “Redrum”.
Era Istrefi nisi të pushtonte vitin e kaluar mediat e huaja, ndërsa u bë pjesë edhe e kopertinave të revistave prestigjioze.
“Këngëtarja Era Istrefi publikoi këngën e saj të re “Redrum”, pas suksesit të madh me këngën “Bon Bon”. Videoja fillon me një femër fatale, e cila është vetë Era e veshur e gjitha me të kuqe, madje edhe grimin, bizhuteritë e thonjtë i ka të kuq. Çdo gjë në të kuqen e gjakut. Era kontrollon në mënyrë perfekte vokalin e saj, si dhe shprehjet e lëvizjeve të saj”, shkruan “V Magazine”.
Më tej artikulli vijon me disa vargje nga teksti i këngës “Redrum”. Kujtojmë që ky nuk është artikulli i parë i “V Magazine”, kushtuar Era Istrefit. Në vitin 2014 dhe në 2016, ata bënë një artikull për Erën, duke e cilësuar si “pop-star”-en që po fiton zemrat e botës.
Burimi: V Magazine
