Na ishte dikur Universiteti i Tiranës, por me sa duket tani nuk ka ngelur më asgjë. Universiteti më i vjetër dhe më i madh publik në vend e ka humbur misionin e dikurshëm për shkak se nuk po përballon dot sfidat e konkurencës, dhe si mision i vetëm duket se i ka mbetur shpërdorimi i fondeve publike.
Në klasifikimin e bërë nga dy renditësit më të rëndësishëm të cilësisë së universiteteve për Evropën Jugore, Shqipëria radhitet në fund të listës. Ndërsa të dhënat e vitit 2023, tregojnë se katër Universitetet publike shqiptare kanë rënë 200 vende nga renditja e vitit të kaluar.
Renditësi i parë i universiteteve, Times Higher Education World University Rankings futi në renditje vetëm një universitet nga bota shqiptare, Universitetin e Prishtinës në pozicionin 1501.
Ndërkohë universitet më të mira në Rajon janë 3 universitete serbe (renditur ne vendet e 801+, 1001+ 1501+, 2 Universitete të Bosnjës, 1 Maqedonia, asnjë universitet nga Shqipëria.
Universitetet shqiptare nga 688 në universitetet e Europës Juglindore në total renditen:
-Universiteti Bujqesor i 605
-Universiteti Durrësit i 606
-Universiteti i Politeknik i 658
-Universiteti i Tiranës i 677
Universiteti i Tiranës “fabrika” më e madhe e diplomave universitare në Shqipëri është vetëm 10 vende larg nga fundi i tabelës, pra i 677 nga 688 universitete të Evropës Jugore.
Kjo tregon një rënie drastike për cilësinë e universiteteve në Shqipëri, pasi në 2021 këto universitete renditeshin tek fasha 301-350 dhe në 2022 midis 350-400.
Rënie në renditje e universiteteve tona publike vjen kryesisht prej mentalitetit të vjetëruar duke mos e njohur tregun dhe duke mos mbajtur asnjë përgjegjësi por edhe prej shtimit të universiteteve të reja në rankim që edhe pse kanë shumë më pak vite nga themelimi renditen më sipër.
