Shumë ushqime që konsumojmë, na ndikojnë edhe në anën mentale. Nëse jeni diagnostikuar me çrregullim bipolar, duhet të keni parasysh se disa ushqime nuk duhet t’ i hani.
Po përse? Kjo pasi mund të ndikojë për keq në gjendjen e bipolaritetit.
Së pari, shmangni kafeinën. Kafeja mund t’ju lërë pa gjumë e për pasojë, humori juaj ditën e nesërme nuk do të jetë aspak i mirë.
Së dyti, bëni kujdes me alkoolin. Alkooli mund të sjellë një ndryshim rrënjësor të humorit të personave që kanë çrregullime bipolare. Alkooli ndikon edhe më keq nëse ndërvepron me ilaçe të tilla si litiumi.
Konsumoni sa më pak kripë në ushqimet tuaja. Bisedoni me mjekun tuaj se si të menaxhoni në mënyrë të sigurt kripën në dietën tuaj.
Të hash ushqime me shumë sheqer mund ta bëjë më të vështirë kontrollin e peshës – dhe t’i bëjë disa trajtime të çrregullimeve bipolare më pak efektive, sipas rezultateve të një studimi të botuar në qershor 2015 në revistën Acta Psychiatrica Scandinavica. Më mirë konsumoni fruta.
Përpiquni të konsumoni sa më shumë perime e fruta, duke shmangur ëmbëlsirat si dhe ushqimet e shpejta. Gjithashtu, konsumoni sa më shumë sallatë dhe mund të pini çajra bimor në vend të kafes.
