Këngëtarja dhe aktorja e njohur Selena Gomez ka ndarë një urim shumë të veçantë për bashkëshortin e saj, producentin muzikor Benny Blanco, me rastin e ditëlindjes së tij. Përmes një postimi në rrjetet sociale, artistja i ka dedikuar atij disa fjalë të ndjera, duke shprehur hapur dashurinë që ndjen për të.
Selena publikoi të dielën, më 8 mars, në llogarinë e saj personale në Instagram një seri fotosh të ndryshme me Benny Blanco. Në galerinë e ndarë me ndjekësit, përfshiheshin momente të veçanta nga ceremonia e tyre e dasmës, por edhe çaste të thjeshta nga jeta e përditshme që kalojnë së bashku.
Në disa prej fotografive, çifti shfaqet duke shkëmbyer puthje në buzë dhe përqafime, duke reflektuar një marrëdhënie të mbushur me dashuri dhe afeksion. Të tjera foto kapnin momente spontane nga përditshmëria e tyre, të cilat Selena zgjodhi t’i ndajë me fansat për të festuar ditën speciale të partnerit të saj.
Në mbishkrimin që shoqëronte postimin, këngëtarja nuk kurseu fjalët e dashurisë për Benny Blanco, duke shkruar:
“Gëzuar ditëlindjen dashuria ime. Të dua me gjithë zemër.”
Historia e dashurisë mes Selena Gomez dhe Benny Blanco ka tërhequr shpesh vëmendjen e mediave dhe fansave. Dyshja nisën lidhjen e tyre në qershor të vitit 2023, ndërsa marrëdhënia e tyre u bë edhe më serioze kur u fejuan në dhjetor të vitit 2024.
Pas fejesës, çifti kurorëzoi dashurinë në shtator të vitit 2025 me një ceremoni martese të mbajtur në Santa Barbara, në Kaliforni. Që prej asaj kohe, Selena dhe Benny kanë ndarë herë pas here me publikun momente nga jeta e tyre si çift, duke treguar se lidhja e tyre vazhdon të jetë e fortë dhe plot dashuri.
View this post on Instagram
