Ministrja e Shëndetësisë Ogerta Manastirliu ka lëshuar një urdhër të ri, duke njoftuar se 3 biznese do t’i shtohen listës së bizneseve për të qëndruar të hapura në fashën e orarit të lejuar.
Bëhet fjalë për gomisterinë, kancelaritë dhe libraritë.
Ky vendim i ditës së sotme ndryshon urdhërin e 20 marsit për “Mbyllje apo kufizimin e lëvizjeve në Republikën e Shqipërisë”.
Si çdo biznes tjetër, edhe këto biznese do të sigurohen që të respektojnë të gjitha masat e sigurisë dhe ruajtjes së distancës së klientëve, për të parandaluar përhapjen e Covid-19.
Këto biznese mund të qëndrojnë hapur edhe pas orës 13:00 për të zhvilluar punët e tyre të brendshme apo furnizimet, por jo për të tregtuar jashtë orarit të lejuar të lëvizjes.
