Uragani ‘Dorian’, i shumë përfolur për rrezikshmërinë e tij, ka goditur ishujt Bahamas duke shkaktuar dëme të mëdha. Uragani i kategorisë së pestë ka sjellë përmbytje të mëdha dhe pritet të vijojë me dallgë të larta dhe erëra të rrezikshme përpara se t’i drejtohet territorit të SHBA.
Së fundmi autoritetet vendase kanë ngritur alarmin e kuq dhe kanë urdhëruar turistët të largohen menjëherë nga vendi.
Fatkeqësisht këtë mëngjes u regjistrua edhe viktima e parë dhe është një 7- vjeçar. Ai është mbytur teksa po lëvizte me familjen e tij me nxitim për t’u larguar nga banesa.
Ndërkohë mediat e huaja shkruajnë se motra e tij u mor nga uji dhe nuk po gjendet ende.
Stuhia ‘Dorian’ është klasifikua si ndër më të rrezikshmet dhe kryeministri vendas e krahasoi atë më një përbindësh.
