Gabimet janë njerëzore thonë, por e keqja ndodh kur përmendet njeriu i gabuar.
Kjo i ndodhi Rita Orës në emisionin e mëngjesit në BBC, ku ngatërroi emrin e prezantuesit Charlie Stayt me prezantuesin Huw Edwards, i cili është pezulluar nga puna pas skandalit që përfshinte një aktivitet të paligjshëm me një adoleshente 17-vjeçare.
32-vjeçarja u shfaq për të promovuar albumin saj të ri, ndërsa diskutonte për momentet kryesore të karrierës me prezantuesit Charlie Stayt dhe Sarah Campbell. Por gjatë bisedës së saj, gabimisht Rita i thirri prezantuesit të lajmeve të BBC-së Charlie Stay, Huw, i cili kohët e fundit u bë qendra e polemikave mediatike, pasi u akuzua se i kishte paguar 35,000 £ një adoleshente për fotografi eksplicite.
Gjatë diskutimit të saj, Charlie tha: Ju jeni këtu duke bërë publicitet, kjo është bota në të cilën jetoni dhe në të njëjtën kohë ju ruani qartë privatësinë tuaj.
Rita më pas u përgjigj: Po, faleminderit Huw.
Ajo e kuptoi menjëherë që i ngatërroi emrin dhe e korrigjoi duke thënë përsëri thjesht “faleminderit”.
Edhe pse ishte një lapsus i momentit, kjo gjë nuk kaloi pa u vënë re nga publiku, të cilët e kanë komentuar në Twitter gabimin e këngëtares me origjinë shqiptare.
“Jo Rita Ora duke thënë ‘faleminderit Huw’ në BBC Breakfast FFS”.
“Rita Ora duke thënë ‘faleminderit Huw’ dhe më pas e ndryshon shpejt në ‘faleminderit’. Më bëri të qesh”,
Ndërsa pPrezantuesit Charlie dhe Sarah vazhduan me intervistën dhe nuk reaguan pas lapsusit që bëri Rita Ora.
