Një prej artistëve të labelit të reperit DaBaby, i cili bashkëpunoi me këngëtaren shqiptare Dua Lipa për hitin “Levitating”, ka habitur me deklaratat e tij në lidhje me bashkëpunimin mes artistëve.
Gjatë një takimi me VladTV , reperi Stunna 4 Vegas tha se kreu i labelit ku ai bën pjese, DaBaby ka fituar 350 mijë dollarë për bashkëpunimin me Dua Lipën. Në intervistën e tij, Stunna vazhdoi të garantonte se reperi DaBaby, ishte në gjendje të mirë me të gjithë fansat dhe fondet e tij.
Dua Lipa dhe DaBaby nuk duket se do të realizojnë përsëri një bashkëpunim së bashku, por megjithatë reperi u largua me një çmim të majmë pas prushjes së raporteve me këngëtaren. Në tetor të vitit 2020, këngëtarja angleze ndau një remix të këngës së saj “Levitating” me Johnathan Kirk. Pas kësaj DaBaby ndau një shaka të homofobike gjatë setit të tij në Rolling Loud.
Gjatë periudhës së bojkotimit të reperit DaBaby për shkak të deklaratave të tij famëkeqe rreth komunitetit LGBT+ dhe pacientëve me HIV, Stunna 4 Vegas tha se fluksi i parave dhe makinave të DaBabyt nuk u ndal.
Dua reagoi menjëherë pas komenteve të tij të dëmshme për njerëzit e diagnostikuar me HIV. “Jam e befasuar dhe e tmerruar nga komentet e DaBaby ”, shkroi ajo në Instagram verën e kaluar.
“Unë me të vërtetë nuk e njoh këtë si personin me të cilin kam punuar. E di që fansat e mi e dinë se ku qëndron zemra ime dhe se qëndroj 100% me komunitetin LGBTQ. Ne duhet të bashkohemi për të luftuar stigmën dhe injorancën rreth HIV/AIDS.”- shkroi Dua Lipa.
