David Gabrieli, një shtetas francez që jeton në Sidnei, është akuzuar për sulm seksual ndaj katër grave që ai takoi në aplikacionet e njohura të takimeve RSVP dhe Bumble në periudhën mes gushtit 2017 dhe janarit 2018.
Ai paraqitej në internet si një mjek që punonte në ambasadën zvicerane dhe përdori fotografitë e Lorik Canës në mënyrë që tërhiqte ato dhe t’i bindte të vizitonin apartamentin e tij në Maroubra, raporton “The weekend australian”.
Viktimat kanë treguar në gjykatë se pasi janë takuar me të kanë vënë re kishte një ngjashmëri me personin në foto (Lorikun) por ngjante shumë më i vjetër.
Sakaq, policia ka gjetur fotografitë e futbollistit shqiptar në USB e Gabriel.
Gjykata ende nuk e ka marrë vendimin për të, teksa vlen të përmendet se përdorimi i fotove të Lorikut nuk është aspak etik dhe madje dëmton imazhin e tij.
Deri tani nuk ka ende asnjë reagim nga ish-kapiteni i Kombëtares dhe nuk dihet nëse do e ndjekë çështjen në gjykatë.
