Listës së kritikuesëve të çmimeve “Golden Globes” i është bashkuar së fundmi edhe aktorja e famshme Scarlett Johansson. Ajo pretendon se ka hasur me diskriminim për ndarjen e çmimeve.
Organizatorët e Golden Globe, Shoqata e Shtypit të Huaj të Hollivudit (HFPA) është akuzuar për mungesë diversiteti dhe mungesë transparence.
Aktorja Johansson, ashtu si dhe figura të tjera të industrisë mendon që “Golden Globes” ka nevojë për “reformë themelore”.
Golden Globes janë të dytët pas çmimeve “Oscars” për nga profili, por organizatorët janë akuzuar për praktika diskriminuese, duke pranuar “freebies” dhe gabime të tjera etike.
Në shkurt, një ekspozitë në Los Angeles Times zbuloi se nuk kishte njerëz me ngjyrë në mesin e 87 anëtarëve të organizatës që votuan për çmimet. Sigurisht, ky racizëm i treguar s’i ka pëlqyer aspak publikut.
Këtë javë, HFPA përshkroi një paketë reformash për mënyrën se si mund ta bëjnë organizatën më përfshirëse.
Kjo paketë ka përfshirë disa pika, mes të cilave përmendim zgjerimin e anëtarësisë së saj, me theks në rekrutimin e anëtarëve me ngjyrë dhe punësimin e këshilltarëve të diversitetit.
“Vota e sotme dërrmuese për të reformuar Shoqatën riafirmon angazhimin tonë për të ndryshuar,” tha presidenti i HFPA Ali Sar në një deklaratë të enjten.
