Sezoni i ri televiziv që nisi këtë shtator, ka sjellë ndryshime të mëdha në ekranin shqiptar.
Megjithatë, dy emisionet e pasdites, “Rudina” dhe “Ftesë në pesë” kanë mbetur të njëjtë dhe vazhdojnë të jenë në rivalitet me njëri-tjetrin.
Ditën e djeshme, Rudina Magjistari u shpreh se emisioni i saj i pasdites kishte sjellë një risi dhe ishte pëlqyer e kopjuar nga shumë të tjerë. Megjithatë, moderatorja shprehej se emisioni i saj vazhdonte të ruante origjinalitetin dhe të ndiqej po njësoj nga teleshikuesit.
Mirëpo nuk ka vonuar dhe moderatorja e emisionit të pasdites në “Top Channel”, Bieta Sulo, i është përgjigjur kësaj deklarate me një thumbim në Instastory.
Ajo ka publikuar një foto ku tregon se look-u i saj ishte më i pëlqyer se ai i Rudinës, pas një sondazhi të një faqeje online.
“Sapo më erdhi ky screenshot. Faleminderit të gjithëve.”-shkruan Bieta krahas fotos.
Ky mendojmë se është një thumb për Rudinën, e cila ditën e djeshme i tha në mënyrë jo të drejtpërdrejtë se i kishte kopjuar emisionin.
