Ben Affleck ka qenë në qendër të vëmendjes orët e fundit për shkak të një videoje që është bërë virale. Aktori i famshëm i ka dërguar aktores Nivine Jay në Instagram një mesazh privat, pasi ajo e refuzoi Ben në një aplikacion për njohje e takime romantike, duke menduar se profili ishte fallco.
“Po kujtoja kohën kur u përshtata me Ben Affleck në Raya dhe mendova se ishte fallco kështu që nuk pranova dhe ai më dërgoi një video në Instagram”, ka treguar aktorja përmes një videoje të publikuar në TikTok.
Ajo ka publikuar edhe videon që Ben Affleck i ka dërguar, në të cilën ai shprehet: “Nivine, pse më refuzove? Jam unë!”.
@nivinejaySorry Ben ?? #raya #benaffleck #dating #fyp
Videoja e aktores ka më shumë se 135 mijë pëlqime në vetëm 5 orë dhe është parë nga mbi 894 mijë njerëz.
Kujtojmë se së fundmi Ben Affleck është përfolur për një rikthim të mundshëm me Jennifer Lopez, pas ndarjes së saj nga Alex Rodriguez. Jennifer Lopez është parë shpesh kohët e fundit në shoqërinë e ish-it të saj, Ben Affleck, dhe kjo u bë shkak që të ngiheshin dyshimet se mes tyre po rilind dashuria. Mirëpo mes Ben dhe Jennifer nuk ka asgjë më shumë se miqësi! Një burim ka treguar për “Entertainment Tonight” se ata janë shokë shumë të mirë dhe se kanë një marrëdhënie perfekte.
“Ata kanë pasur një histori romantike, por në këtë pikë ata kanë vetëm miqësi. Të dy e admirojnë njëri-tjetrin profesionalisht, e respektojnë njëri-tjetrin dhe ndjehen rehat bashkë. Jennifer dhe Ben janë takuar shpesh herë që pas ndarjes së saj nga Alex. Jen dhe Ben kanë qenë miq gjatë viteve dhe të dy janë ende thjesht miq”, kanë thënë burimet për “ET”.
