Ups! Pas ndryshimit drastik Çagatay Ulusoy u shndërrua në “meme” kudo në rrjet!
K Hasa
Postuar ne 03 Shtator 2020,17:43:22
E dimë që e doni shumë, por s’e dimë a do e doni njësoj pas këtij ndryshimi.
Pak ditë më parë ju sollëm në vëmendje se Çagatay Ulusoy ka ndryshuar look dhe nuk njihet pasi ka rritur flokët dhe mjekrën.
Ishte vetë aktori që postoi një foto në Instastory nga një ditë e zakonshme e tij duke peshkuar, duke tërhequr vëmendjen e ndjekësve pas ndryshimeve që kishte pësuar.
Megjthatë, për shkak se fotoja ishte bardh e zi nuk u vu re se ndryshimi ishte drastik.
Së fundmi, në rrjet po qarkullojnë shumë foto të Çagatay-t, pasi vetë ai është i kursyer me postimet në rrjetet sociale, ku shihet se ka shtuar shumë në peshë dhe se ka rritur shumë më shumë se më parë flokët dhe mjekrën.
Madje ai është shndërruar edhe në meme në rrjetet sociale, ku po bëhet krahasimi se si ai ka qenë dikur dhe se si është shndërruar tani.
Këto ndryshime vijnë pas xhirimeve të sezonit të 4 të ”The protector” që po bën namin në Netflix. Më herët, aktorin dhe modelin turk e kemi parë se për hir të këtij seriali ka qethur flokët e tij zero.
Ndërkohë, ditën e djeshme në media qarkulloi një lajm sipas të cilit 29-vjeçari do marrë pjesë në një film të ri turk, ku ndryshe nga sa e kemi parë deri më sot do ketë rolin e një babai bari.
Xhirimet sapo kanë nisur dhe do të vazhdojnë deri në fund të muajit shtator, teksa thuhet se projekti pritet të dalë në treg në vitin 2021.
Vetë Çagatay nuk ka reaguar rreth këtij lajmi por ne jemi tepër kuriozë ta shohim në rolin e ri.
Lexo tjetër
Zbulohet nëse Bora Zemani do të rikthehet si moderatore në Për'Puthen
