Nuk kanë kaluar akoma 24 orë nga paqja dhe Katy Perry e gjeti arsyen e parë për të prishur sërish miqësinë me këngëtaren Taylor Swift. Kjo e fundit postoi ditën e sotme, letrën e dërguar nga Perry, ku i kërkonte ndjesë këngëtares së hitit “Shake it Off” për gjashtë vitet që kanë qëndruar pa folur.
Për britaniken “The Sun Online”, miqtë e Kate janë shprehur se ajo e priste që Taylor të postonte diçka në rrjetet sociale, por jo letrën që ajo i nisi e për këtë arsye është e mërzitur.
Swift, e cila po përgatitet për turneun e saj shkruante mbi foto ku dukej një pjesë e shkrimit të letrës: “Faleminderit Katy” dhe e shoqëronte me zemra rozë.
Duket mjaft e vështirë për të deshifruar atë çfarë Perry i shkruan Swift, por sipas “Daily Mail” letra shkruan:”Po reflektoj mbi keqkomunikimin tonë dhe ndjenjat mes nesh … do të doja të pastronim komunikimin … më vjen thellësisht keq”.
