Thonë se rastësia është mbret i botës!
Një rastësi e çuditshme i ka ndodhur ditën e sotme edhe dy moderatoreve të njohura të emisioneve të pasdites, Rudina Magjistarit dhe Bieta Sulos.
Si çdo ditë, ato janë shfaqur në ekran me emisionet përkatëse dhe madje kanë ndarë në Instagram poza me veshjen e ditës.
Mirëpo, kanë qenë ndjekësit në rrjete sociale ata që kanë vënë re të parët se dy moderatoret kanë bërë “xing” sot me njëra-tjetrën.
Bieta dhe Rudina shfaqen të veshura me të njëjtin fustan, ndërsa i vetmi dallim është ngjyra e tyre.
Rudina ka veshur një fustan ngjyrë ulliri, me golfin e varur dhe një rrip në mes.
I tillë është edhe fustani i Bietës, mirëpo në ngjyrë bezhë.
Moderatoret ende nuk kanë reaguar lidhur me këtë rastësi të çuditshme, mirëpo kjo nuk është hera e parë që shohim rastësi të tilla në ekran.
