Ledri Vula ka qenë i ftuar natën e kaluar në emisionin “Më Lër të Flas” të vëllezërve Veshaj. Gjatë intervistës reperi ka treguar detaje nga lidhja e tij me Sara Hoxhën. I pyetur nga vëllezërit se çfarë cilësish kishte Sara që ja fitoi zemrën, Ledri rrëfeu se si fillim i pëlqeu paraqitja dhe më pas zemra dhe intelekti i saj.
“A di si mendoj unë, po nuk qe e bukur nuk të tërheq. Më pas edhe po të jetë e bukur dhe e keqe brenda nuk të duhet,”- tha Ledri.
Po ajo çfarë nuk pritej pas kësaj deklarate të Ledrit ishte reagimi i Donald Veshajt, reagim ky që mori vëmendje të madhe nga fansat dhe u konsiderua si një kunjë e hapur ndaj Beatrix.
“Sa problem është kur ajo është e bukur dhe është kështu bosh fare, ke të drejtë,”- ka thënë Donaldi.
Kujtojmë se kjo nuk është hera e parë që Donaldi thumbon Beatrixën pas lidhjes dhe ndarjes së tyre të bujshme. Donaldi zgjedh gjithmonë emisionin e tij për të bërë deklarata e për të hedhur herë pas here kunja ndaj ish-banorëve të “Big Brother Vip”.
Ky reagim i fundit i tij trazoi rrjetin pasi fansa të shumtë e konsideruan atë si një “thumb” të drejtpërdrejtë ndaj Beatrix.
Ajo që e përforcoi më shumë idenë se fjalia kishte nën shënjestër Beatrix ishte dhe reagimi i Romeo Veshajt, i cili ndër dhëmbë u shpreh: “Nuk ka lidhje, nuk ka lidhje.”
