Pak kohë më parë, gjatë një interviste, këngëtari i njohur Hekuran Krasniqi foli për ndihmën që i ka dhënë Dafina Zeqirit kur ajo ishte ende në fillimet e saj në muzikë. Ai u shpreh se ai e kishte sjellë Dafinën në skenë, pasi ka krijuar e kompozuar për të.
“Është mëse e vërtetë që në vite kam mundësuar sjelljen e talenteve të rinj në skenë, duke kompozuar e krijuar për ta. Ndër ta, kohë më parë ka qenë dhe Dafina Zeqiri, e cila shkëlqen sot në skenën muzikore.”- është shprehur ndër të tjera Hekurani, gjë e cila nuk i ka pëlqyer aspak Dafinës.
Në disa komente në Instagram të ruajtura nga “Xing.al”, ajo e ka thumbuar këngëtarin, duke ironizuar fjalët e tij se ishte ai që e nxorri Dafinën në skenë.
“Se Hekurani m’ka “qit” n’skenë. Njerëzit janë kaq të dëshpëruar për vëmendje! Emri jem e di çfarë vlere ka dhe pse!”- shkruan Dafina, duke iu kundërpërgjigjur hapur.
Kujtojmë se projekti i fundit i Dafinës erdhi në bashkëpunim me Tayna-n dhe u titullu “Bye Bye”. Tashmë kjo këngë po bën namin në Youtube dhe është kthyer në hitin e verës.
