Arta Memedi i është rikthyer sulmeve të saj ndaj Taynës.
Ajo ka qenë e ftuar ditën e sotme në “Vizioni i Pasdites” , ku ka sulmuar këngëtaren duke e quajtur “thjesht një kukull”.
Arta është shprehur se problemin nuk e ka patur me Taynën, por me menaxherin e saj Rinorin, njëherazi ish-i dashur i Artës, duke shtuar se ky i fundit e ka përdorur reperen.
“Thonë që kur Titaniku është fundosur është harruar. Ndodhin këto gjëra në karrierë . Nuk ka qenë një përleshje me të, por më shumë një problem ndërjmet që ka ndodhur me menaxherin e saj. Ajo më është dukur si një kukull që e kanë nxjerrë në teatër dhe e kanë bërë çfarë e kanë urdhëruar ata nuk e marr shumë personalisht. Kënga “Shote Galica”, është një këngë si kundërpërgjigje për shkak se kam qenë shumë e bllokume me koncerte, për shkak që kemi patur edhe probleme personale dhe është përfshir me punën e biznesit. Nëse dikush ta merr bukën normale që ti reagon dhe reagimi im ka qenë për atë aspekt.”, u shpreh Arta Memedi.
Sa i përket marrëdhënieve me Rinorin Arta u përgjigj:
“Mirë jemi, ashtu”, u shpreh duke qeshur.
Dy vite më parë, reperet shqiptare nisën një sherr publik mes tyre, pasi filluan të thumboheshin nëpër këngë e postime të ndryshme në rrjete sociale.
Pasi Tayna e quajti veten “Mami i repit”, Arta kërkoi që ta thërrisnin “Njerka”, pasi sipas saj emri “Mami” po përdorej shumë.
Gjithashtu, në 2019 Arta ka publikuar këngën e saj “Shote Galica” si një diss për kolegen e saj.
https://www.instagram.com/p/B8YuB8mBa5z/?igshid=fjcpqzrol1xh
