I ftuar në “Klanifornia”, Klajdi Haruni ka treguar një skenë të pakëndshme që i ka ndodhur në një nga koncertet e tij.
Teksa Marina e pyeti për momentin më të sikletshën në skenë, këngëtari ka treguar se ai ka rënë keq fare gjatë një koncerti në Dibrën e Madhe.
“Kemi qenë një koncert në Dibrën e Madhe, nga fillimet e koncerteve. Sa po mbaroja performancën, ndërkohë Flori po zbriste shkallët. Unë me peshqir në dorë (duke e tundur) dhe rashë nga skena. Dhëmbët copë, u ngrita dhe “Moj e mira vetull o”. Këngën e vazhdova ama…”, tregoi Klajdi duke qeshur.
Më tej Klajdi ka shtuar se miku i tij Bruno, në vend që ta qetësonte për ta ‘ngushëlluar’ ai ia ka bërë më keq situatën.
“Bruno ishte aty edhe e pyeta nëse u duka keq. Ai më tha se më pa pak në fillim por më pas u zhduka, sikur rashë nga kati i shtatë”.
