Javën e shkuar Kim Kardashian firmosi letrat e divorcit nga Kanye West. Pas një periudhë të gjatë thashethmesh, mediat e huaja raportuan se ylli i “Keeping Up With The Kardashians” i kishte dhënë realisht fund martesës, prej gati një dekade, me reperin. Ndërkohë që dy protagonistët nuk kanë folur fare në lidhje me këtë çështje, Kim ka lënë të kuptohet përmes një postimi në Instagram se ka mbaruar gjithçka dhe se ajo nuk është shumë e lumtur për divorcin.
Ajo ka publikuar një video duke udhëtuar me makinë, teksa dëgjonte një këngë ndarje. Bëhet fjalë për këngën “Drivers License” nga Olivia Rodrigo, që ishte e para në listat muzikore në Britaninë e Madhe në fillim të këtij viti.
“Dhe gjithë miqtë e mi janë të lodhur duke dëgjuar sa shumë më mungon, por unë ndihem keq për ta, sepse ata nuk do të njohin kurrë ty në mënyrën si të njoha unë”, thuhet në një pjesë të këngës.
Kanye është fotografuar gjithashtu pa unazën e martesës.
Mirëpo, fill pas divorcit kanë nisur problemet e para për ish-çiftin.
Mediat e huaja kanë raportuar se Kim ka kërkuar që të marrë kujdestarinë e 4 fëmijëve pas divorcit me reperin, por për të vegjëlit kanë nisur mosmarrëveshjet.
Kim dhe Kanye kanë vizione komplet të ndryshme për mënyrën e rritjes së fëmijëve, siç thonë burime për “People”.
“Ata e mendojnë krejt ndryshe mënyrën sesi fëmijët duhet të rriten. Kim do ta mbështesë gjithnjë Kanye-n dhe kauzat e tij, por e ardhmja e saj në lidhje me punën, fëmijët dhe jetën në përgjithësi i përket asaj. Eshtë ajo që bën të mundur gjithçka.”-ka treguar burimi.
Pritet që divorci i tyre të transmetohet i gjithi në sezonin e fundit të “Keeping Up With the Kardashians”, ku duket se do të flasin për herë të parë për gjithçka që ka ndodhur.
