Ky është sezoni i martesave dhe të shumtë janë këngëtarët të cilët angazhohen në dasma të ndryshme, për të performuar në ditën më të veçantë të çifteve.
Këngëtari i njohur Erik Lloshi, i cili ishte sot i ftuar në emisionin “Trokit”, ka treguar për publikun eksperienca personale nga dasmat në të cilat ka performuar gjatë verës.
I pyetur nga moderatori Ermal Peçi nëse i ka pëlqyer ndonjëherë nusja e dasmës, aq sa të kishte dashur ta kishte të tijën, Eriku u përgjigj troç:
“Shiko, duhet të dish si të reagosh, duhet të jenë gjërat në rregull. Ka ndodhur që nusja më ka ngacmuar, apo edhe të ftuara në dasma, me letra, më numrat e telefonit. Por unë i ndaj gjërat.”- duke shkaktuar të qeshura në studio.
Kujtojmë se Eriku do të martohet me të fejuarën e tij, Rominën, më datën 17 gusht të këtij viti dhe më herët këngëtari ka treguar se mezi po pret të bëhet baba.
