Ditën e djeshme, është transmetuar puntata e parë e “DWTS Fun Club”, nën drejtimin e Kiara Titos. Mes të ftuarve të kësaj puntate ishte edhe astrologia, Meri Shehu, e cila ka dhënë parashikimet e saj lidhur me çiftet e “DWTS” dhe një ndër dyshet që e konsideroi të rrezikuar ishte Sardi dhe Erisa, të cilët u vlerësuan më me pak pikë natën e spektaklit.
Por kjo deklaratë duket se nuk i paska pëlqyer shumë çiftit, të cilët e lanë një koment paksa ‘të kripur’, si përgjigje për astrologen.
Balerina Erisa Govaci, e cila ka publikuar një foto në llogarinë e saj të Instagramit, duke shkruar: “Bëjmë prova orëve të vona, të dielave, se na tha Zonja Meri që jemi të rrezikuar”.
I njëjti postim është publikuar edhe në profilin e këngëtarit, Sardi Strugaj, i cili me ironi ka shkruar: “Një dhuratë Merit se i kishte qejf dhe e rregullon herën tjetër”.
