“One Direction” është një ndër grupet më të njohura dhe më të pëlqyera, që 4 vite më parë theu zemrat e fansave me shpërbërjen.
Djemtë zgjodhën të ndiqnin drejtime të ndryshme, duke iu përkushtuar karrierës solo, mirëpo duket se gjërat s’kanë përfunduar siç duhet.
Këngëtari Zayn Malik ishte ai që njoftoi i pari largimin nga grupi dhe kolegut të tij ende s’i paska dalë e keqja me këtë fakt.
Mbrëmjen e kaluar, teksa ishte i ftuar në “Saturday Night Live”, Harry Styles e thumboi publikisht Zayn-in.
“I dua këta djem. Ata janë vëllezërit e mi. Niall, Louis, Liam dhe mmm oh, Ringo”- tha Harry, duke përmendur emrin e bateristit të “Beatles” në vend të Zayn-it, pasi edhe bateristi u largua i pari nga grupi kur mes tyre kishte mosmarrëveshje.
Ndërkohë, Zayn ende nuk ka reaguar pas kësaj deklarate të ish-mikut të tij.
