Miley Cyrus i është bashkuar tashmë listës së njohur të artistëve që kanë rezultuar pozitiv me COVID-19.
Cyrus u infektua me Covid-19 gjatë turneut të saj të fundit në Amerikën e Jugut – i pari në shtatë vjet – ku performoi në Argjentinë, Kili dhe Brazil, si dhe në Bogotá, Kolumbi.
Por duket se me anë të një postimi në “Twitter” këngëtarja nuk bëhet pishman për asgjë, madje thotë se çdo gjë ia ka vlejtur.
“Duke udhëtuar nëpër botë, duke luajtur për 100,000 njerëz në natë dhe duke takuar qindra fansa në ditë, shanset për t’u prekur nga Covid janë mjaft të larta. Unë kam Covid tani, por padyshim ia vlente.”
Traveling around the world, playin for a 100,000 people a night & meeting hundreds of fans a day the chances of getting Covid are pretty high. I have Covid now but it was definitely worth it.
— Miley Cyrus (@MileyCyrus) April 1, 2022
Rezultati pozitiv do të thotë që Cyrus nuk do të mund të performojë në festën e çmimeve “Grammy” të Steven Tyler’s në ‘’Hollywood Palladium” në Los Angeles të dielën.
“Fatkeqësisht për shkak të kësaj, unë po humbas pjesëmarrjen në ‘Janie’s Fund’, gjë që është e keqe sepse është një bamirësi që është shumë e rëndësishme për mua dhe mikun tim Steven Tyler,” shkroi ajo.
“Ndihem mirë, prandaj mos u shqetësoni për mua! Më vjen keq Steven! Do të na duhet të ‘ta bëjmë një herë tjetër këtë gjë! “- përfundoi këngëtarja.
