Lidhja e tyre e gjatë përfundoi si në përralla, një martesë elegante dhe betimet e dashurisë së përjetshme mes moderatores Orinda Huta dhe këngëtarit Turjan Hyska.
Por nëse kthehesh vite më parë, në fillimet e lidhjes së tyre, nuk ishte gjithçka kaq perfekte sa duket sot.
I ftuar të “Rudina”, Turi rrëfeu se ata nuk e pëlqenin fare njëri-tjetrin:
“Orinda në fillim më është dukur paksa prepotente. Kishte një shikim të rëndë. Ndërsa sipas Orindës, unë isha arrogant, silleshim shumë keq. S’mund të them urrejtje se është fjalë e madhe, por ky akulli që kishim u shkri rrugës”, tregoi Turi.
“Unë zbulova që Orinda ka një raport me të drejtën, është njeri që evoluon dhe kjo nuk e ka bërë lidhjen tonë monotone. Nuk bëjmë kompromise”, përfundoi Turi duke zbuluar dhe arsyen përse u dashurua pas Orindës.
