Mbrëmjen e djeshme u zhvillua finalja e “Una voce per San Marino”, ku konkuronte edhe këngëtarja shqiptare, Ronela Hajati. Artistja nuk arriti që të dilte në top 10-shen, mundësi për të fituar festivalin i cili siguronte përfaqësimin e vendit në Eurovizion.
Ai që doli fitues ishte Piqued Jackas duke u bërë kështu përfaqësues i Republikës së San Marinos në Eurovizion i cili do mbahet nga data 9 deri më 13 maj, në Liverpool.
Vendin e dytë e fitoi Le Deva ndërsa XGIOVE atë të tretin.
Disa nga çmimet:
-Çmimi për pamjen më të mirë iu dha Lorenzo Licitra
-Çmimi për shfaqjen më radiofonike: Roy Paci
-Çmimi i kritikës: Alfie Arcuri
-Çmimi Ludovico Di Meo: Mayu
“Një zë për San Marinon” është festivali i lindur nga bashkëpunimi midis Sekretariatit të Shtetit për Turizmin, Postat, Bashkëpunimin dhe Ekspozitën e Republikës së San Marinos.
Banda nga Pistoia, Piqued Jacks, me pak më shumë se 3000 ndjekës në Instagram, falënderoi San Marinon:
“Faleminderit që besuat në aftësinë e italianëve për të qenë në gjendje të konkurrojnë ndërkombëtarisht me muzikën ndërkombëtare, kjo është ajo që ne me grupin tonë ne kemi bërë gjithmonë me muzikën tonë”.
