Një studim i fundit ka zbuluar se një veprim sa i thjeshtë aq edhe i përditshëm, zierja e ujit të rubinetit, mund të ndihmojë ndjeshëm në reduktimin e mikroplastikës në ujin që konsumojmë.
Sipas kërkuesve, kur uji i fortë zihet, formohet një shtresë e hollë karbonat kalciumi (një lloj guri uji), i cili “kap” grimcat mikroskopike të plastikës që ndodhen në të.
Më pas, nëse ky ujë filtrohet (madje edhe me një filtër të thjeshtë kafeje), sasia e mikroplastikës ulet deri në 90%.
Ky zbulim vjen në një kohë kur shqetësimet për ndotjen plastike dhe ndikimin e saj në shëndetin e njeriut po rriten. Mikroplastika është zbuluar në gjithçka, nga uji që pimë te ushqimi që hamë dhe ekspertët e shëndetit publik po paralajmërojnë për pasojat afatgjata që mund të ketë kjo ekspozim i vazhdueshëm.
Këshilla? Nëse doni një mënyrë të thjeshtë, të lirë dhe efektive për të pastruar ujin tuaj të pijshëm, vëreni ujin në zjarr dhe më pas filtrojeni. Mund të mos jetë perfekte, por është një hap i madh drejt një gotë më të pastër.
