Java e kaluar ishte java e rrokut në Tiranë me performancën e tre musketjerëve, Aleksandër Gjoka, Elton Deda dhe Redon Makashi.
Salla e Pallatit të Kongreseve, u mbush plot e përplot me fansat e këngëtarëve, ndërsa nuk munguan dhe të afërmit e tyre. Kështu, nga Italia, për ta dëgjuar live Aleksandër Gjokën, kishin udhëtuar ish-gruaja Merita dhe vajza e tyre 20 vjeçare, Xhoel.
Ato jetojnë jashtë vendit që prej vitit 1998, bashkë me djalin e familjes, Rei, i cili është bërë baba para katër vitesh. Panorama ka publikuar fotografinë e Gjokës të lumtur në mes të dy femrave të familjes.
Pyetjes së gazetarëve nëse ndonjë prej fëmijëve trashëgon talentin e tij si këngëtari, me zërin më të rrallë në Shqipëri, Sandri i është përgjigjur se djali Rei ka vesh muzike, por nuk preferoi të merrej me muzikë, pasi vendosi të studionte për Informatikë.
