Ritregimi gazmor i një përralle mode i bërë realitet
“Udhëtimi i një fustani”.
“DVF” festoi 40-vjetorin e karrierës me një ekspozitë retrospektive, “Ikona estetike”.
Udhëtimi i një fustani është përjetësuar në këtë libër të mrekullueshëm që lejon lexuesit të përjetojnë plotësisht ekspozitën përmes një triptiku vizual të ndarë në: afatin kohor, ushtrinë “wrap”dhe sallonin e artit. Udhëtimi i një fustani është një turne privat, një “lookbook”, një libër arti dhe një mësim historie, të gjitha kapur në një volum të bukur, plot ngjyra.
Nisur nga ky libër nisa një udhëtim në kohë me Daine nëpër artin e fundviteve ’60-të deri në fillimin e viteve ’70-të dhe konceptin e artit të asokohe.
Kështuqë ju ftoj të udhëtoni bashkë me mua në jetën e një vajze të re, të dashuruar me artin dhe estetikën që u shndërrua në një femër të jashtëzakonshme në industrinë e modës.
Diane Simone Michelle Halfin lindi në Bruksel, Belgjikë, bijë e dy prindërve hebrej.
1969
Martohet me Eduard Egon Peter Paul Giovanni Prinzzu Furstenberg, djali i madh i princit Tassilozu Furstenberg.
Gjithçka ndodhi shumë shpejt.
Diane 26-vjeçare tashmë është princeshë, bashkëshorte dhe nënë.
1970
Ajo e di…
Di që e ardhmja ka filluar, e ardhmja është SOT.
Diane ishte aty, ndërsa bota po ndryshonte, themelet e artit po ndryshonin. Ajo ishte produkt i kohës së saj, po gjithsesi kishte bindjen që gjithçka do e bënte sipas mënyrës së saj.
Festë në shtëpinë e Brigitte Bardot
Që të kuptoni çdo gjë që ndodh më pas, duhet që për pak sekonda ta projektoni veten në fund të vitet ’60-të’. Art, pop art, kinema, muzikëll, muzikë, rock n roll , “Rolling Stones”, “Beatels”… Dashuri. Rock. Seks. Dashuri… dhe në fund prap art dhe përsëri fashion dhe bukuri. Këto jetohen bashkë, shpejt dhe në të njëjtë kohë, në vitet ‘60 –’70-të.
Moda është art, gjithçka ndërvepron.
Printime dinamike e gjeometrike, frymëzuar nga Deco, efektet e një lloji tjetër, si ato të Roy Lichtenstein, Python dhe printime të mëdha macesh. Stuhi që përfshijnë Warhol; motivet- një bashkëpunim me Fondacionin “Warhol Andy” që gjithashtu zotërojnë disa “must-have” dhe artikuj për dyqane dhuratash.
1970
Të fillojmë këtë fundjavë pushimet. Ne jemi në vitin 1971 me një foto të Diane kur ishte me pushime në Romë. Ajo ishte e sapomartuar, një nënë e re dhe në drejtimin e një biznesi krejt të ri. Tre vjet më vonë, ajo do të debutojë me një fustan i cili do ndryshojë jetën e saj përgjithmonë … Jeta është një udhëtim…. Gëzojeni udhëtimin!
Është viti 1974. Dizenjoi fustanin që e bëri një ndër personazhet e botës së estetikës.
Në 1975-ën, mbi 15.000 fustane u shitën brenda një jave.
1976 fustanet arritën në 5 milionë dollarë. Ky është momenti kur ky fustan merr jetë, i pavarur si një qenie me një ekzistencë krejt të tijën.
“ Unë them që ky fustan është një klasë sociologjie”.
“Përveçse kishte një jetë të tijën, ky fustan ka paguar të gjitha faturat e mia”, – thotë Diane.
Sot. Kujtime…
Ekziston edhe një letër nga ish-kryeredaktorja e “Vogue”, Diana Vreeland. Kujton se ajo i tregoi koleksionin e saj të parë kapsulë që ishte si trill i një princeshe dhe Vreeland ishte i vetmi person që e pranoi atë. “Kjo është e madhe! Unë mendoj se rrobat tuaja janë absolutisht “Smashing” (kryevepër)” -shkroi Vreeland në atë letër. Së shpejti, një fustan i tillë do përfundojë në gjatësinë e Erté, nga ku edhe Deco u frymëzua për një aktikull dyfaqësh mode.
Ekspozita:
Ekspozita gjithashtu përmban imazhe të mëvonshme, duke përfshirë edhe ato ku shfaqet Rene Russo, Cheryl Tiegs, Imanit dhe një fotografi e një modeli shtatëmbëdhjetëvjeçar, Jerry Hall. Në këtë event të Diane von Furstenberg ka edhe foto të tifozëve të saj, si Michelle Obama. Ajo është nga të parat që mbante kartën e festave familjare për në Shtëpinë e Bardhë. Fustani ka bërë “karrierë” edhe në filma të shquar. Cybill Shepherd e ka veshur tek “Taxi Driver”. Pedro Almodóvar ka studiuar imazhin e Diane në vitet ’80-të e mbi të ka ndërtuar personazhin e Penelope Cruz në “Broken Embraces”.
Ishte e pabesueshme për Diane, derisa ajo e pa filmin. Veshja gjithashtu ka një peshë të rëndësishme, sidomos kur atë e mban Amy Adams. Diane e quan atë “dhuratën e fundit që erdhi tek unë”. Duke shpjeguar karakterin e Adams thotë: “Kurajo, ajo veshi fustanin! Ka ndryshuar dhe është fuqizuar.”
Fotogaleria e projektuar nga arkitekti i preferuar i botës së artit Bill Katz , ka fotografi nga Helmut Newton, Annie Leibovitz dhe portrete nga Warhol (dy grupe: një nga vitet ’70-të dhe një të viteve ’80-të), Francesco Clemente dhe Anh Duong e shumë të tjerë.
Absolutisht janë më të mirët dhe më revolucionarët e artit figurativ, një ndërveprim i jashtëzakonshëm për të ndikuar në shijen estetike.
E ardhmja
Modë dhe teknologji
Nuk është çudi që “Google” është duke u përpjekur për të hyrë në tregun e modës luksoze.
“Google Glass” kanë “përgjuar” më parë legjendaren, projektuesen e veshjeve amerikane luksoze dhe pajisjeve të markës “DVF”. D iane von Furstenberg, ideuesja 68-vjeçare, është një ish-princeshë dhe mban presidencën në Këshillin e Modës e Dizajnit të Amerikës, që ka të ngjarë të jetë organizata e modës më me ndikim në botë.
Për këto arsye ”Google” zgjodhi Diane për të dizenjuar “Google’s eyewear”.
Partneriteti filloi në vitin 2012.
Për 1800 $, turma e Javës vjetore të Modës në Londër, do ketë shijuar pamje të teknologjisë së lartë.
Si pasojë, njerëz kyç të botës së modës, redaktorë dhe spektatorë në Britaninë e Madhe, kanë venë “Google Glass”, një vlerësim gjigand për të ardhmen e teknologjisë në Modën e Lartë.
Gjatë këtij udhëtimi midis dy jetëve, asaj të një gruaje e të një fustani, dy jetë që vazhdojnë të krijojnë dhe prodhojnë; kuptojmë se bota nuk është më e njëjta. Sot merr një foto duke përdorur kamerën në një palë syze thjesht me një shkelje syri apo një komandë të vetme (“OK Glass, shkrep një foto!”)
Çdo kohë ka përrallat e saj…
*Publikuar në revistën “ICON”, nr.4
