Kanë mbërritur në portin e Durrësit 12 arkëmorte me trupat e pajetë të shqiptarëve që humbën jetën nga COVID-19 në Itali.
Nisja u bë mbrëmjen e djeshme nga porti i Barit ndërsa mëngjesin e sotëm ata kanë mbërritur në Durrës, në atë që u quajt udhëtimi i fundit për në shtëpi.
I pranishëm ishte edhe ministri i Brendshëm Sandër Lleshaj, që me siguri do të kujdeset që tërheqja e trupave nga familjarët të bëhet konform rregullave dhe protokolleve të sigurisë, që është bërë i ditur nga ana e OBSH-së.
Mbrëmjen e djeshme mediat italiane publikuan pamjet e trishta të disa makinave funerale në portin e Barit, ku shpreheshin se ky do të ishte udhëtimi i fundit i shqiptarëve drejt shtëpisë së tyre:
“Coronavirus, udhëtimi i fundit drejt shtëpisë. LIVE nga porti i Barit sekuencat dramatike të hipjes në arkivolëve për në Durrës. Kthimi i trishtuar në vendin e tyre. Këtu në Itali kishin gjetur punë, kishin realizuar një ëndërr.
Sonte nga porti i Barit pamjet dramatike të makinave të varrosjes së shtetasve shqiptarë viktima të pandemisë. Ata do të ngjiten në tragetin Marina drejt Durrësit për lamtumirën e fundit”, shkruanin mediat italiane për fotot e fotografit, Francesco Saçente.
/FAXNews
