Anëtari më i ri i familjes Kardashian-Jenner tashmë po jeton një jetë luksoze, edhe pse është vetëm 6 javësh!
Kylie Jenner tregoi për të gjithë fansat dhe ndjekësit e saj një paraqitje të shkurtër shumë emocionuese të periudhës së saj të shtatzënisë me anë të një vidjoje 10-minutëshe në YouTube të titulluar “To Our Son”.
Jenner dhe i dashuri Travis Scott mirëpritën fëmijën e tyre të dytë, më 2 shkurt.
Në videon e publikuar të hënën, 24-vjeçarja zbuloi se djali i saj i porsalindur ka bërë një ‘baby shoëer’ me temë gjirafe, teksa ka bërë një turne në dhomën e tij me nuanca neutrale.
Megjithatë, edhe pse kishte një shumëllojshmëri librash apo lodrash nga më të ndryshme për fëmijë, detaji që nuk i shpëtoi askujt ishte pikërisht arushi prej pelushi Louis Vuitton prej 9000 dollarësh i djalit të Kylie-t dhe koleksioni mbresëlënës i atleteve.
Arushi i rrallë është i printuar me monogramin klasik të kompanisë prestigjoze të modës Louis Vuitton dhe tashmë nuk gjendet më në dyqane.
Fillimisht i publikuar për publikun gjatë shfaqjes së veshjeve për meshkuj të vjeshtës 2004 të Louis Vuitton, që nga ajo kohë është rritur në vlerë dhe konsiderohet si një artikull koleksionist; aktualisht është i listuar për 20,550 dollarë në Farfetch.
