Ylli i serialit “Pretty Little Liars”, Shay Mitchell pak orë më parë ka ndarë me ndjekësit e saj në rrjetet sociale një lajm shumë të bukur. Nëpërmjet një fotoje gjysmë të zhveshur ajo ka zbuluar se është në është në muajin e gjashtë të pritjes së ëmbël.
Nuri i shtatzënisë e ka zbukuruar edhe më shumë aktoren, e cila është cilësuar si një nga femrat më të bukura në botë. Përveç fotos, Shay ka vendosur të publikojë në Youtube një video ku tregon emocionet e shtatzënisë që nga ditët e para.
“Nuk doja të shfaqesha shtatzënë në rrjete sociale shumë herët. Muaj të gjatë duke e fshehur, ishte një udhëtim i vetmuar. Mendoj që shtatzënia është e mrekullueshme, shumicën e kohës:,- ka shkruar ajo në përshkrimin e videos.
Aktorja prej majit të vitit 2017 është në një marrëdhënie me 38-vjeçarin Matte Babel dhe duket se tani ka ardhur koha të shijojnë frytet e dashurisë.
