Pas katër vjetëve banorëve të fshatit Zharrëz po ju jepen paratë për shtëpitë e dëmtuara nga “tërmeti” i kompanisë Bankers Petroleum në dhjetori 2016.
Shkak i vonesës është bërë kompania e cila refuzon të paguajë pjesën e saj. Qeveria shqiptare dhe nja pjesë të parave me 2018, por ajo ishte një shumë fare e vogël. Në fillim të nëntorit, qeveria mori vendimin për dëmshpërblim për familjet që u prekën nga dëmtimet.
Sipas vendimit , janë rreth 107 milionë lekë të reja që do të jepen për bashkitë Patos dhe Rroskovec, sipas një liste për kryefamiljarët e prekur nga lëkundjet e tokës nga shpërthimet.
Bankers Petrolium do të duhet të paguajë 53 milionë lekë të reja dhe po kaq do të vërë në dispozicion edhe qeveria për t’ua dhënë qytetarëve.
Shtimi i parave do të bëhet në buxhetin e vitit 2020, që do të thotë, se qytetarët do t’i marrin këto lekë para vitit të ri.
Janë 58 shtëpi që u shpallën të pabanueshme plotësisht ose pjesërisht nga komisioni ndërinstitucional i krijuar me vendim qeverie në fund të shkurtit 2017, për të vlerësuar dëmet e shkaktuara nga lëkundjet sizmike në zonën e Zharrëzës. Në total 71 banesa u gjetën se kishin pësuar dëme.
Komisioni përcaktoi po ashtu edhe vlerën në para të dëmeve, e cila sipas vendimit të qeverisë në nëntor 2017 do të paguhej rreth 40 për qind nga buxheti dhe 60 për qind nga kompania e naftës Bankers Petroleum, e cila fajësohet nga banorët për lëkundjet, por që nuk ka pranuar asnjëherë përgjegjësi për to.
Por edhe pse pati marrë angazhim për të zgjidhur shpejt situatën, pas grevës së urisë dhe marshimit disa ditor të banorëve të Zharrëzës nga Fieri në Tiranë në shkurt 2017, vetë qeveria pagoi pjesën e saj të dëmit me shumë vonesë.
Ndërkohë, mbetet e paqartë se si dhe kur do të paguhet pjesa e parave që qeveria ia ka ngarkuar me VKM kompanisë Bankers, e cila deri më sot ka refuzuar ta paguajë atë si zhdëmtim duke mos pranuar fajin për lëkundjet.
