2017-ta nis me një lajm fantastik për për adhuruesit e grupit U2. 30-vjetori i albumit legjendar “The Joshua Tree”, ku përfshihen disa prej këngëve më të famshme, grupi irlandez ka vendosur ta festojë me një turne në Europë dhe Amerikën e Veriut.
Albumi i realizuar në 1987 është shitur në më shumë se 25 milionë kopje në të gjithë botën dhe ka prekur majat e klasifikimeve me hitet e tij “With Or Without You”, “Where The Streets Have No Name” dhe “I Still Haven’t Found What I’m Looking For”.
“Së fundmi e ridëgjova albumin ‘The Joshua Tree” për herë të parë në gati 30 vjet. Është një opera e vërtetë. Një lumë emocionesh që çuditërisht tingëllojnë aktuale; dashuria, humbja apo ëndrrat e thyera….”.
Etapa amerikano-veriore e turneut do të nisë në muajin maj në Vankuver, ndërsa koncerti i parë europian do të mbahet në 8 korrik në Londër.
Mes ndalesave të tjera europiane do të jenë: Berlin, më 12 korrik; Romë, 15 korrik; Barcelonë, 18 korrik; Dublin, 22 korrik; Paris, 25 korrik; Amsterdam, 29 korrik; Bruksel, 1 gusht. OneRepublic, Mumford & Sons dhe The Lumineers do të shoqërojnë bandën në Amerikë, ndërsa High Flying Birds i Noel Gallagher në Europë.
Burimi: U2.com
