Të dielën do të jetë dita e Marina Vjollcës. Bukuroshja e ekranit shqiptar, do të bëjë prezantimin e saj të parë në televizionin Klan, me spektaklin e ri muzikor që pritet të tërheqë audienca të mëdha.
Moderatorja ka publikuar një video prezantuese të shkurtër të spektaklit, dhe menjëherë vëmendja jonë shkoi tek ajo. Me flokët e kapur bisht, si asnjëherë tjetër, Marina duket e mahnitshme me një fustan gri me temina që shndritin.
Si gjithnjë e qeshur, ajo shfaqet teksa kërcen mes këngëtarëve, ku nuk mungon edhe Flori Mumajesi, i cili shfaqet në skenë pas një mungese të gjatë në spektakle të këtij formati.
Nga videoja shohim se në këtë skenë do të ngjiten emra të njohur të muzikës shqiptare si: Era Rusi, Anxhela Peristeri, Big Mama, Erik Lloshi dhe emra të artit e politikës si: Eva Alikaj, Erisa Xhixho etj.
/Iconstyle.al
