Studentja e Drejtësisë, Ariela Murati, u nda nga jeta ditën e djeshme pasi u qëllua me armë zjarri nga 23-vjeçari, Aldison Belulaj.
Ngjarja ndodhi përpara fakultetit të Mjekësisë ndërsa motivi i vrasjes dyshohet të jetë refuzimi që i bëri studentit.
Por për të gjithë ata që nuk e dinë, Ariela ishte studente e ekselencës në vitin e tretë të Drejtësisë dhe disa ditë më parë kishte marrë lajmin e shumëpritur për fitimin e bursës.
21-vjeçarja kishte mundur ta fitonte të plotë bursën falë rezultateve të shkëlqyera dhe përkushtimit të jashtëzakonshëm të saj në degën të cilën e donte aq shumë.
Pedagogu i 21-vjeçares, Erlis Hereni u shpreh për ‘Fax News”, se Ariela ka qenë një studente shumë e mirë”. Sipas tij:
“Fatkeqësisht arsimi ka probleme edhe në ndarjet gjinore, të të arsimuarve. Në një klasë me 25 studentë, vetëm 4-5 prej tyre janë vajza, e realiteti më pas prodhon një shoqëri maksiliste të paarsimuar. Busulla e rinisë shqiptare orientohet drejt forcës, me shprehje banale ‘’u bë ai?!”.
