Bill de Blasio kryebashkiaku i New York dha një deklaratë të bujshme për të cilën priten shumë reagime.
“Të gjithë njujorkezët duhet të vaksinohen nëse duan të shkojnë në punë.Sektori publik prej disa kohësh ka marrë urdhër të vaksinojë punonjësit, por tashmë kjo gjë do të shtrihet dhe në sektorin privat”, – tha ai në një intervistë televizive.
Më tej, kryebashkiaku De Blasio sqaron se kjo masë vjen si pasojë e parashikimeve të ekspertëve, të cilët presin një shtim të infektimeve me koronavirus për shkak të festave të fundvitit dhe të variantit të ri, i cili nga sa raportohet mund të jetë më infektues.
“Vaksinat janë e vetmja gjë që mund ta kthejë këtë luftë dhe të bëjë ndryshimi”, ,përfundoi De Blasio duke shtuar se tashmë New Yorku mund të konsiderohet si vendi i parë që bën të detyrueshëm vaksinimin në sektorin privat.
Masa mbulon 184,000 biznese dhe do të hyjë në fuqi më 27 dhjetor dhe nuk u jep punonjësve të pavaksinuar mundësinë që të testohen rregullisht. Ata duhet të kenë të paktën një dozë deri në atë datë.
Në New York do të publikohen udhëzime deri më 15 dhjetor për të ofruar më shumë informacion mbi zbatimin Kryebashkiaku në largim tha se ka folur me kryetarin e zgjedhur Eric Adams për politikën.
“Ne kemi omicron si një faktor të ri, kemi motin më të ftohtë, i cili me të vërtetë do të krijojë sfida shtesë me variantin delta, ne kemi grumbullime festash,” tha de Blasio për MSNBC të hënën në mëngjes.
