Andy Spade , ka reaguar pas vetëvrasjes së bashkëshortes së tij, stilistes Kate Spader e cila vari veten me një shall në apartamentin e saj. Përmes një deklarate në gazetën amerikane “The New York Times”, ai pranoi se prej pesë vitesh bashkëshortja e tij vuante nga depresioni i thellë dhe kishte kërkuar ndihmën e mjekëve.
“Ajo po trajtohej nga mjekët, për të kuruar depresionin, që po i mer jetën shumë njerëzve. Një natë më parë ne komunikuam me të dhe ajo ishte kaq e lumtur. Nuk dha asnjë shenjë apo paralajmërim se do ta bënte këtë. Jemi të shokur. Nuk ishte ajo. Ishin djajtë me të cilët ajo po luftonte prej kaq shumë kohësh” – tregoi Andy Spade.
I pyetur nëse është e vërtetë se i kishte kërkuar divorcin, ai u përgjigj: “Për 10 muaj, kemi jetuar të ndarë por shumë pranë njëri-tjetrit. Bea jetonte me të dy ne dhe flisnim thuajse çdo ditë. Ne nuk folëm kurrë për procedurat e divorcit. Kemi qenë bashkë për 35 vjet. Ne e dashuronim njëri-tjetrin por thjesht kishim nevojë për një shkëputje. Kjo është e vërteta.”
Stilistja e famshme e modës Kate Spade u gjend e varur pak ditë më parë në shtëpinë e saj. 55 – vjeçarja kishte lënë një shënim, ku i tregonte vajzës së saj 13-vjeçare Bea Beatrix se e donte shumë e nuk ishte faj i saj.
