Ditën e djeshme portali JOQ publikoi një video të gazetares Mira Kazhani e ngecur në trafik ndërkohë që studentët kishin bllokuar rrethrrotullimin e Zogut të Zi.
Gazetarja mundohej të kalonte por rruga ishte e zënë nga studentët të cilët nuk kishin në plan të lëviznin prej aty. Sipas dëshmitarëve, ajo madje i dha gaz disa herë automjetit por më kot, pasi u detyrua të largohej prej aty.
Duke qenë se kjo video u interpretua si një “tentativë për të shtypur studentët”, Kazhani ka reaguar personalisht sot me një shkrim të sajin, ku tregon se ishte e vetmja shofere që po e pëlqente këtë gjë dhe se po xhironte gomat e makinës.
Gazetarja tregon se gjatë kohës që studentët i kishin bllokuar rrugën, ajo po dërgonte tekste në redaksi.
“Por në gazetari mësohesh dhe sidomos e di mirë ekzaltimin e turmës. Ndoshta isha e vetmja shofere që po e “pëlqeja”, sepse xhirova gjatë gjithë kohës dhe dërgoja ndonjë tekst pasqyrues në redaksi”, shkruan Kazhani.
Më tej gazetarja tregon se disa prej studenteve nisën të provokonin dhe madje i nxorrën dhe gishtin e mesit. Ajo shton se është ndjerë e pambrojtur nga shteti dhe se nuk u ka asnjë borxh hormoneve të askujt:
“Më erdh’ keq gjithashtu për sjelljen e disa vajzave, që ndërkohë që tentova të as me to dhe t’u them se jam vetëm unë këtu, hapeni rrugën, përqeshnin dhe provokonin pa më njohur fare. Sot jam ndjere e pambrojtur nga shteti im, po, po. Nuk i kam asnjë borxh e kusur hormoneve të askujt.
Do i jepja një shpjegim nëse po e bënin me një gazetare, por për dijeni të lexuesve, vetëm në fund, kur në video dallohet që më afrohet një gazetare që më sqaron se ishte hapur një kryqëzim dhe se mund t’i bija andej, u mor vesh se unë isha gazetare. Keni edhe reagimin e një vajze që thotë: Uh Mira Kazhani qenka kjo?
Si me porosi që ishin, e kuptuan se duhet të bënin pak zhurmë. Hapa xhamin dhe i thashë një vajze me çantë “Prada” e që e përdorte shumë gishtin e mesit, se në protestë s’dilet me “Prada” dhe se dora e një vajze shëmtohet nga ai gjest”, shkruan Mira Kazhani.
/Iconstyle.al
