Aktori i njohur turk Çagatay Ulusoy është shfaqur për herë të parë pas lajmeve për ndarje, me aktoren Duygu Sarisin. Thuhet se në vitin 2018 ata i dhanë fund marrëdhënies së tyre, por mesa duket lajmi nuk ka qenë i vërtetë.
Dyshja ka preferuar që ta mbajë lidhjen në fshehtësi, por së fundmi nuk u kanë shpëtuar dot paparacëve.
Mediat turke kanë publikuar një foto të dy aktorëve teksa po kalojnë disa ditë luksoze pushimi.
Ata kanë udhëtuar drejt një vendi që nuk është bërë ende i ditur, megjithatë vetëm varka që kanë marrë me qira kushton 2500 euro për një natë.
Ata shfaqen mjaft të dashuruar dhe duket se po i shijojnë në maksimum këto ditë pushimi.
