Fakti që bashkëshorti i Angela Martinit Drago Svulescu, ka mbyllur llogarinë e tij në Instagram dhe modelja nuk ka publikuar asnjë foto me të këto kohët e fundit, ka ngritur aludime të shumta rreth një ndarje të mundshme të dyshes.
Mirëpo një lajm që po përflitet aktualisht kudo në media është se Drago ka probleme serioze me drejtësinë.
“Anabel.al” raporton se bashkëshorti i Angela-s është dënuar në shkurt të këtij viti me 5 vite e 6 muaj burg nga Gjykata e Lartë në Rumani.
Thuhet se Svulescu është në kërkim dhe se ndaj tij janë ngritur akuza për falsifikim dokumentacioni lidhur me disa pronësi në bregdet.
“Akuzohet se është përfshirë në një grup kriminal (30 anëtarë), i cili përllogaritet ta ketë dëmtuar shtetin me 114 milionë euro për sa i përket disa pronave në Constatta dhe Mamaia”, shkruan “Anabel.al”.
Ndërkohë vlen për t’u theksuar se ende nuk ka asnjë reagim nga modelja shqiptare lidhur me gjithçka po thuhet… /Anabel.al
