Aktorja e njohur turke, Hande Erçel prej disa vitesh është në një lidhje me këngëtarin Murat Dalkiliç.
Lidhja e tyre ka patur ulje-ngritje dhe çifti shpeshherë janë përfolur për ndarje, megjithatë gjithmonë i kanë kaluar krizat në çift dhe janë ribashkuar.
Rreth tre muaj më parë u raportua se Hande dhe Murat kanë vendosur të lidhin kurorë dhe mediat turke kanë zbuluar edhe datën e martesës. Sipas mediave turke Hande dhe Murat do të martoheshin në javën e dytë të korrikut.
Aso kohe mediat shkruanin se çifti mezi po pret të kurorëzohet dhe po numëron ditët dhe se dasma do të mbahet në Stamboll e Hande ka kërkuar që ceremonia të jetë sa më e thjeshtë.
Mirëpo, gjërat nuk shkuan si duhet dhe ata u ndanë. Ka qenë Hande ajo që ka konfirmuar zërat me anë të një Instastory disa javë më parë, ku shkruante se ndarja ka qenë në mënyrë miqësore dhe kërkonte ta respektojnë këtë vendim.
Aktoria nuk jep arsye pse ka ndodhur kjo, por shprehet se Murati është një njeri i çmuar e i dashur për të.
Mediat turke aluduan se ajo dhe aktori Kerem Bursin krah të cilit po luan në serialin “Sen Çal Kapimi” mund të kenë nisur një romancë, duke menduar se ky është bërë shkak që ajo t’i japë fund lidhjes me Muratin.
Përpos të gjithave ata kanë shfaqur një kimi shumë të mirë, teksa duken se kanë raport mjaft të afërt ndonëse të dy i kanë mohuar zërat për një lidhje të mundshme.
Së fundmi, Kerem ka dhënë një intervistë në një televizion turk ku ka folur edhe rreth kësaj teme, duke thënë fjalët më të mira për aktoren.
Aktori tregoi se ai është habitur tepër kur e ka njohur personalisht Handen sepse pa që ajo është një person shumë i ëmbël dhe jo mendjemadhe.
“Ajo është një njeri shumë i mirë, më motivon, na motivon të gjithë stafin. Është e ëmbël dhe e dashur me të gjithë. Nuk është aspak egoiste. Nuk e prisja. Kam mbetur pa fjalë.”-tha Kerem.
Nuk e dimë nëse me të vërtetë ka lindur diçka mes tyre, por na mbetet të presim.
