Gjatë ditës së sotme në mediat rozë qarkulloi lajmi se Ilnisa Agolli do të zëvendësonte Jonida Maliqin në emisionin “E diell”.
Ilnisa Agolli është një gazetare e njohur, e cila është gjithashtu mbesa e shkrimtarit Dritëro Agolli dhe do të jetë me rubrikën e saj në emisionin e të dielës në “Top Channel”.
Megjithatë e kontaktuar nga “Iconstyle.al” ajo ka zbuluar se nuk do të zëvendësojë Jonidën sepse rubrika e saj nuk do të ketë lidhje me modën, siç ishte parashikuar të ishte e Jonidës.
Ilnisa ka shpjeguar se rubrika që do të drejtojë do të ketë të bëjë me etimiologjinë e fjalës.
“Me kalimin e kohës , fjalët janë rrafshuar. Identiteti i fjalës dialektore, folklorike, fjalët e vjetra, ato që nuk përdoren më, ato në zhdukje, ato që tjetërsojmë, janë gjithçka do të thuhet në rubrikën time” – u shpreh Ilnisa.
Më tej ajo ka treguar se kjo rubrikë do të zhvillohet nëpër vende të ndryshme të Shqipërisë dhe një pjesë do të zhvillohet në studio. Ndërkohë Ilnisa tregoi se emri i rubrikës së saj nuk është vendosur akoma.
