Blerimi doli beqar nga “Për’puthen”, edhe pse në fillim ishte i bindur se do e gjente atje dashurinë e jetës. Fillimisht ai pati disa takime mjaft romantike me Antonelën, por gjithçka mori drejtim tjetër më vonë. Ata të dy patën debate të forta me njëri-tjetrin dhe Blerimi shpesh e akuzonte Antonelën si mashtruese.
Ndërkohë i ftuar sot në emisionin “Shqipëria Live”, ai u shpreh se Antonela bënte intriga, por gjithsesi ata do të mbeten miq të mirë.
“Intriga dhe sinqeriteti nuk përputheshin dot. Dhe e pamë në fund se pësoi “tradhti” nga ai që e ftoi dhe e pa që ishte gabim. Flisnin se çfarë duhet të thonin. Unë mendoj që mua më besojnë shumë dhe nuk është çështja këtu, por ne nuk arritëm dot të bëheshim bashkë për fajin e saj, jo për fajin tim. Antonela hasi me një karakter të fortë të mashkullit, e them pa modesti, sepse pretendojmë që femrave t’i japim të drejta të mëdha, atëherë që një femër që ka të drejtë për gjithçka, nuk ka pse të shkelë mashkullin.
Unë kam refuzuar takimet me Antonelën. Ajo bëri takime degraduese. Unë mendoj që i kam pëlqyer Antonelës dhe mamit të saj se më ka thënë ajo. Ne dhe kur ziheshim, i kam thënë që po të kursej për hir të mamit tënd. Unë me sa duket i kisha më mirë me “vjehrrën” se me nusen. Me Antonelën mund të pimë një kafe si miq dhe vetëm kaq. Me Shqipen më ka pëlqyer dhe do të dilja”, tha Blerimi.
Më pas ai habiti me një deklaratë për Shqipen, teksa tha se ka simpati të madhe për të. Ai tregoi se mbrëmjen e djehsme është takuar për herë të parë me të dhe u dukej sikur njiheshin bashkë prej vitesh.
“Mbrëmë e kam takuar për herë të parë live dhe na dukej sikur njiheshim prej vitesh. Kemi një simpati të madhe ndaj njëri-tjetrin prej karakterit. Për dukjen nuk e di, më pëlqen dhe si pamje Shqipja”, tha Blerimi.
