Para 1 jave në media doli lajmi se këngëtarja e njohur shqiptare, Justina Aliaj, ishte prekur nga Covid-19 dhe se ishte shtruar në spitalin Infektiv. Thuhej se ajo kishte disa ditë në spital për shkak të gjendjes së rënduar shëndetësore.
Ndërkohë së fundmi është mësuar se ajo është përmirësuar dhe se mjekët ja kanë hequr oksigjenin. Nga ana tjetër regjisorja, Najada Elmazi, ka treguar sot në “AbcNews” se ka folur vetë me këngëtaren dhe ajo i ka thënë që nuk është e vërtetë që ka qenë në gjendje shumë të rëndë.
“Justina momentalisht qe po flasim është shumë mirë. Kanë dal nga ato lajmet rozë në media, që ajo kur i dëgjoi këto lajme tha se në të vërtetë jam mirë”, tha ndër të tjera Elmazi.
Aliaj ka lindur në 21 prill 1951 në Shkodër dhe është bërë shumë e njohur me veprimtarinë e saj në kinematografi, teatër, e muzikë. Këngët e saj më të njohura janë “Mall për vendlindjen”, “Në ekranin e televizorit”, “Stacioni i dashur”, “Në mbrëmjen e vallëzimit”, “Unaza” etj.
Ndërkohë ajo ka interpretuar si aktore në disa filma e shfaqje teatrale, “Rrethi i kujtesës”, “Shtëpia e Bernanda Albës”, “Gratë trojane”, “Nobodysees”, “Tartufi” etj.
