Pak orë pasi Presidenti Ilir Meta e shpalli non grata ambasadorin e OSBE-së, duke mos e pranuar në institucionin e Presidencës, ka reaguar Borchardt.
Duke dalë nga selia e Partisë Demokratike ku ndodhej në takim me kryedemokratin Lulzim Basha, ambasadori u është përgjigjur gazetarëve të cilët kërkuan një reagim prej tij.
E vetmja gjë që Borchardt tha, ishte: “OSBE është organizatë legjitime. Më lini të qetë”.
Ilir Meta e shpalli “non grata” në Presidencë ambasadorin e OSBE me argumentimin se ofendoi protestuesit e “Astirit” ku u tregoi gishtin e mesit dhe se nuk pranoi dekretin e Presidentit për zgjedhjet e 30 Qershorit.
Ky është rasti i parë që një ambasador i huaj shpallet “non grata” nga një institucion i vendit tonë dhe rasti i parë që Presidenca ndërmerr një akt të tillë ndaj një diplomati të huaj.
