Mbrëmjen e djeshme Atdheu, një nga djemtë më të përfolur në “Për’puthen”, u pa në shoqërinë e njërës prej ish-konkurrenteve të “Love Story”, Drita Përhatit. Ishte vetë Drita ajo që publikoi në Instagram një video me Atdheun, teksa të dy shiheshin duke kërcyer me njëri-tjetrin në një lokal nate. Ata shfaqeshin shumë të afërt bashkë, por nuk dihej në ç’rrethana ishin njohur.
Në fakt ky afrim mes tyre ju bëri çudi ndjekësve të Atdheut dhe Dritës, e pati nga ata që ngritën dyshime mos kishin krijuar diçka me njëri-tjetrin jashtë emisioneve. Mirëpo Atdheu nuk ka lejuar që këto thashetheme të përhapen më tej dhe ka reaguar në lidhje me videon që u shpërnda.
Ai shprehet se jo me çdo vajzë që shfaqet në rrjete sociale ka lidhje dashurie, duke treguar se Dritën e ka thjesht shoqe.
“Jo çdo vajzë që unë dal në foto ka lidhje dashurore me mua se po më bëni mua Sulejman dhe fanset sulltaneshat e harremit. Ju lutem mediave të paktën pak respekt për vajzat, nëse nuk keni për mua”, shkruan Atdheu.
Kujtojmë se të dielën që lamë pas, Atdheu u përball me Sindin, sepse kjo e fundit kishte dyshime në lidhje me ndjenjat e tij. Mirëpo djali nga Gjakova tha se ende nuk është i qartë, sepse ka simpati për dy vajza në emision, Sindin dhe Melisën.
